Gemorroy vaqtida ich qotishi haqida gapirishdan oldin, keling, gemorroy nima ekanligi haqida to’xtalib o’tamiz. Shunda gemorroy va ich qotishi o’rtasidagi bog’liqlikni hamda nima uchun gemorroyda ich qotishini davolash va oldini olish muhim ahamiyatga ega ekanligini tushunish osonroq bo’ladi.
GEMORROY O’ZIDAN TUGUNLARNI AKS ETTIRADI
Bu to‘g‘ri ichak venalarining kengayishi bo‘lib, ular tugunlar ko‘rinishida anus sohasiga (ichak ichida yoki anus tashqarisida) bo‘rtib turadi va og’riq, anal qichishish va qon ketishiga olib kelishi mumkin. Sababi aniq ma’lum emas, lekin anus va uning atrofidagi qon tomirlarida bosimning oshishi bilan bog’liq.
Gemorroy hojatxonada uzoq vaqt o’tirish yoki surunkali ich qotish tufayli paydo bo’lishi mumkin, degan fikr mavjud. Shu bilan birga, surunkali diareya ham gemorroyga olib kelishi mumkin.
NIMA UCHUN GEMOROY VAQTIDA QABIZLIKNING OLDINI OLISH MUHIM?
Qattiq najas to’g’ri ichakning yallig’langan joylarini yaralashi va qo’shimcha og’riqqa sabab bo’lishi mumkin. Noqulaylik hojatxonaga borishda haddan ziyod va samarasiz zo’riqish bilan namoyon bo’lishi, bu esa, o’z navbatida, gemorroyni qo’zg’atishi va kuchaytirishi mumkin.
Ovqatlanish bo’yicha tavsiyalar
Odatda, ich qotishining oldini olish uchun ovqatlanishni qayta ko’rib chiqish, shu jumladan, unda etarli miqdorda tola (kuniga taxminan 25 gramm), suv ichish rejimi va jismoniy faollik bo’lishi tavsiya etiladi.
Agar gemorroy ich qotishi bilan birga bo’lsa, mutaxassislar davolash rejimiga laktuloza kabi ichni yumshatuvchi vositalarni kiritishni tavsiya qiladilar. Laktuloza ichak devorlarini bezovta qilmaydi, balki axlatni yumshatadi, natijada hojatxonaga borishingizni qulayroq qiladi.
Bundan tashqari, kamida 1 oy davomida laktuloza qabul qilinganida, prebiyotik ta’siri tufayli ichak mikroflorasini normallantiradi, foydali bakteriyalarning ko’payishiga yordam beradi va patogenlar sonini kamaytiradi. Etarlicha suv ichishni unutmaslik kerak (kuniga 6-8 stakan).
Gemorroy ko’pincha surunkali muammo bo’lganligi sababli, ichni yumshatuvchi vosita uzoq muddatli foydalanish uchun mos bo’lishi muhimdir. Laktuloza qabul qilish davomiyligi cheklanmagan.
